Nemendur með íslensku sem annað mál

Var að setja orðalista um mannslíkamann á íslensku, ensku og arabisku undir flipann „Aðlagað námsefni„. Listinn tekur mið af orðaforða bókarinnar „Mannslíkaminn, litróf náttúrunnar“ sem Námsgagnastofnun gaf út árið 2011 og er víða kennd í 9. bekk.

Nú hafa allir leik- og grunnskólakennarar á Akureyri fengið senda slóð að fyrsta fréttabréfi skólaársins 2016 – 2017. Þar er m.a. sagt frá trúarhátíð muslima, Eid Al-Adha, sem nú ber upp á 12. september. Einnig er bent á aðlagað námsefni fyrr nemendur á unglingastigi.
Fréttabréfið má lesa hér

Alltaf bætist aðeins flokk ritgerða og rannsókna um tvítyngda nemendur. Aneta Figlarska skrifaði meistararitgerð við menntavísindasvið Háskóla Íslands þar sem hún rannsakar einkenni málumhverfis tvítyngdra barna, sem hafa pólsku sem móðurmál, heima og í leikskóla. Ritgerðin er opin í Skemmunni og hana má lesa hér

Undir hlekkinn skýrslur hér til hægri á síðunni er nú komin skýrsla yfir starf mitt skólaárið 2015-2016. Þar eru t.d. upplýsingar um móttöku sýrlenskra nemenda í grunnskóla bæjarins, fjöldatölur tvítyngdra nemenda o.fl.

Alþjóðlegur dagur flóttamanna er 20. júní og hafa Sameinuðu þjóðirnar minnst þess dags síðan árið 2000.  Sjaldan eða aldrei hafa jafn margir haft stöðu flóttafólks í heiminum og einmitt núna. Í skýrslu Sameinuðu þjóðanna fyrir árið 2015 um málefni flóttamanna kemur fram að fjöldi þeirra sem þurfa að flýja heimkynni sín á mínútu sé 24 og að helmingur þeirra séu börn undir 18 ára aldri. Skv. skýrslu Sameinuðu þjóðanna fer fjöldi flóttafólks nú í fyrsta sinn yfir 60 milljónir. Flestir flóttamenn koma  frá Sýrlandi, Afganistan og Sómalíu.

Nú hefur nýtt fréttabréf verið sent til allra sem starfa við leik- og grunnskóla bæjarins. Þar er m.a. að finna fjölmenningarlegan leik sem má nýta bæði með börnum og fullorðnum og fróðleiksmola um ramadan hjá muslimum. Fréttabréfið má Sjá hér

Ráðstefna í Gerðubergi þann 14. apríl n.k.  þar sem sjónum er beint að vinnu með fjölbreyttum og tvítyngdum nemendahópi allra skólastiga. Sérstök áhersla á málörvun, læsi og fjöltyngi. Aðalfyrirlesarar eru Hanna Ragnarsdóttir HÍ og Jim Cummins frá Háskólanum í Toronto.  Nánari upplýsingar: Samtök áhugafólks um skólaþróun:
http://skolathroun.is/?pageid=14

1. apríl 2016
   Nú er nýr vefur loksins að verða til – og það einmitt þann 1. apríl!
   Gamla Front-page síðan mín gaf upp öndina í mars og þá var mér nauðugur einn kostur – að reyna að setja mig í stellingar og koma nýjum vef í gagnið. Ég er ekki búin að koma öllum gögnum af gamla vefnum yfir  á þennan nýja en ákvað að virkja hann núna og held svo áfram uppfærslunni eftir því sem tími gefst til.Eins og við er að búast er þessi aðeins öðruvísi upp settur en markmiðið er sem fyrr að vera gagnagrunnur fyrir kennara nemenda sem eru með íslensku sem annað mál.  Allar ábendingar eru vel þegnar á netfangið  helgah@akureyri.isNý vefslóð er: erlendir.akmennt.is

Nú er ég að senda slóð að fyrsta fréttabréfi vetrarins til allra leik-og grunnskólakennara á Akureyri. Fréttabréfið er hægt að Sjá hér