Námskeið um stöðumat erlendra nemenda frestast enn

Í mars árið 2020 stóð til að við hér á fræðslusviði stæðum fyrir námskeiði um stöðumat erlendra nemenda á móðurmáli sínu. Vegna takmarkana á samkomuhaldi hefur námskeiðinu nú verið frestað enn einu sinni, en drög að nýrri dagsetningu hefur verið sett niður en það er 9. nóvember n.k. Skólastjórnendur munu fá upplýsingar um þetta mikilvæga námskeið fyrir kennara sendar aftur á næstu vikum – en best er að fjórir til fimm komi frá hverjum skóla.
Það eru kennsluráðgjafar í Reykjanesbæ, Hafnarfirði og Árborg sem hafa þýtt efnið úr sænsku og munu kynna notkun þess.

Birt í Uncategorized | Slökkt á athugasemdum við Námskeið um stöðumat erlendra nemenda frestast enn

Takk fyrir samstarf síðustu níu ár!

Nú í upphafi skólaárs 2021-2022 býð ég nýjan kennsluráðgjafa velkominn í minn stað við fræðslusvið Akureyrarbæjar. Það er Ingibjörg Magnúsdóttir og ég óska henni allra heilla í skemmtilegu og gefandi starfi.
Þetta er því síðasta færsla mín á þennan vef sem hefur orðið til eftir aðstæðum hverju sinni; þörfum einstakra nemenda og óskum kennara. Ég hef sett flest mín verkefnahefti hér inn til almennra nota, þýðingar á upplýsingum um skólastarf á Akureyri fyrir erlenda foreldra og margt fleira.
Núna í sumar hef ég gert nokkrar breytingar á uppsetningu, fært verkefni aðeins til og eytt skjölum með upplýsingum sem voru börn síns tíma. Sum skjöl eru á fleiri en einum stað en ég held að það komi ekki að sök og stytti ef til vill tíma sem fer í leit og flettingar.
Á þessum tímamótum vona ég að vefurinn haldi áfram að vaxa, dafna og þróast og að hingað geti kennarar leitað til að afla sér upplýsinga, finna verkefni við hæfi nemenda sinna og svo komið með óskir og ábendingar um það sem betur má fara.
Ég hef átt ákaflega skemmtilegan tíma með nemendum, kennurum og öðru starfsfólki skólanna. Þakka ykkur öllum fyrir samstarfið og gangi ykkur vel í mikilvægu starfi með nemendum og foreldrum þeirra.
Bestu kveðjur,
Helga Hauksdóttir

Birt í Uncategorized | Slökkt á athugasemdum við Takk fyrir samstarf síðustu níu ár!

Stoðþjónusta grunnskólanna

Caring Hands Clip Art (Page 1) - Line.17QQ.com

Í skjölunum hér fyrir neðan er að finna upplýsingar um stoðþjónustu grunnskólanna á íslensku, ensku, pólsku og tailensku. Þar má nefna stoðkerfi innan hvers skóla og skólaþjónustu fræðslusviðs, PMTO námskeið fyrir foreldra og sérskóla bæjarins.
Íslenskaenskapólskatailenska.

Birt í Uncategorized | Slökkt á athugasemdum við Stoðþjónusta grunnskólanna

Námskeið um stöðumat erlendra nemenda í haust

Í mars árið 2020 ætluðum við hér á fræðslusviði að standa fyrir námskeiði um stöðumat erlendra nemenda á móðurmáli sínu. Vegna takmarkana á samkomuhaldi hefur námskeiðinu nú verið frestað í þrígang en ný dagsetning hefur verið sett niður en það er 31. ágúst n.k. Skólastjórnendur hafa fengið upplýsingar um þetta mikilvæga námskeið fyrir kennara – en best er að fjórir til fimm komi frá hverjum skóla.
Það eru kennsluráðgjafar í Reykjanesbæ, Hafnarfirði og Árborg sem hafa þýtt efnið úr sænsku og kynna notkun þess.
Vona að allt gangi að óskum í þessari tilraun og alltaf gott að hafa námskeið í upphafi nýs skólaárs1

Birt í Uncategorized | Slökkt á athugasemdum við Námskeið um stöðumat erlendra nemenda í haust

Upplýsingar um grunnskóla Akureyrarbæjar – uppfærðar 2021

Pencil Clip Art Borders School (Page 1) - Line.17QQ.com

Upplýsingar um starf grunnskólanna á Akureyri hafa nú verið uppfærðar, með tilliti til breytinga á gjaldskrám í frístund og í mötuneyti sem urðu um áramót 2020/21 og breytinga á stjórnendum skólanna. Einnig er búið að uppfæra breytingar á frístundastyrk. Hér eru upplýsingar á ensku, pólsku og tailensku.

Birt í Uncategorized | Slökkt á athugasemdum við Upplýsingar um grunnskóla Akureyrarbæjar – uppfærðar 2021

Þátttaka barna og unglinga af erlendum uppruna í íþróttum

Á vef UMFÍ er að finna ýmsar upplýsingar fyrir foreldra og ungmenni af erlendum uppruna um starfsemi íþrótta- og ungmennafélaga landsins. Þar má t.d. nefna uplýsingar um æfingagjöld og frístundastyrki, þátttöku foreldra o.fl. Auk íslenskunnar er efnið til á nokkrum tungumálum sem hér eru hlekkir á: íslenskaenskapólskavíetnamskafilippeyskalitháískatailenska arabiska

Birt í Uncategorized | Slökkt á athugasemdum við Þátttaka barna og unglinga af erlendum uppruna í íþróttum

Upplýsingamiðlun á milli grunnskóla og framhaldsskóla

Oft hefur verið rætt um upplýsingamiðlun á milli grunn- og framhaldsskóla; hvaða upplýsingar eigi að berast á milli, með hvaða hætti og hvernig sé þá hugað að persónuvernd. Nú hafa verið útbúin nokkur skjöl til að nota til upplýsingamiðlunar og ég set hér inn skjal, sem sérstaklega er hugsað fyrir erlenda nemendur og forráðamenn þeirra. Skólaskil erlendra nemenda og Samþykki fyrir miðlun upplýsinga

Birt í Uncategorized | Slökkt á athugasemdum við Upplýsingamiðlun á milli grunnskóla og framhaldsskóla

Merkisdagar framundan! Upplýsingar á ensku, pólsku og einfaldri íslensku

Nú eru ýmsir merkisdagar framundan; bolludagur, sprengidagur og öskudagur, auk þess sem nú er þorri með tilheyrandi þorrablótum og þorramat. Síðan tekur konudagur og góa við – að ógleymdum sumardeginum fyrsta í apríl. Nú höfum við nokkrar tekið saman upplýsingar um þessa daga sem eru komnar á ensku, pólsku, arabísku og einfalda íslensku.
arabískapólskaenska einföld íslenska

Birt í Uncategorized | Slökkt á athugasemdum við Merkisdagar framundan! Upplýsingar á ensku, pólsku og einfaldri íslensku

Stöðumat fyrir erlenda nemendur

Nú er stöðumat fyrir erlenda nemendur, sem unnið hefur verið að og þýtt úr sænsku, aðgengilegt á vef Menntamálastofnunar. Þar er það vistað undir flipanum próf og mat. Efnið er ætlað nemendum grunn- og framhaldsskóla en unnið er að stöðumati fyrir nemendur leikskólastigs.
Námskeið um fyrirlögn stöðumatsins fyrir kennara á Akureyri og nágrenni hefur verið fyrirhugað lengi og frestað tvisvar vegna fjöldatakmarkana. Nú er námskeiðið fyrirhugað í mars og verður nánar auglýst þegar nær dregur.
Hér er hlekkur á stöðumatið á vefsíðu Menntamálastofnunar

Birt í Uncategorized | Slökkt á athugasemdum við Stöðumat fyrir erlenda nemendur

Íslenskir jólasiðir á mörgum tungumálum

Set hérna tengil frá Reykjavíkurborg um íslenska jólasiði á mörgum tungumálum. Þar segir m.a. frá jólasveinunum og foreldrum þeirra.

Birt í Uncategorized | Slökkt á athugasemdum við Íslenskir jólasiðir á mörgum tungumálum