Sumarlæsisdagatal Menntamálastofnunar

Menntamálastofnun hefur gefið út sumarlæsisdagatal þar sem bent er á ýmsar skemmtilegar og óhefðbundnar  leiðir  til að styðja við lestur krakka í sumarleyfi. Dagatalið var gefið út bæði á ensku og pólsku, auk íslensku.

Birt í 2018 | Slökkt á athugasemdum við Sumarlæsisdagatal Menntamálastofnunar

Skýrsla skólaársins 2017-2018

Myndaniðurstaða fyrir flower, clip artÍ lok hvers skólaárs er gott að líta yfir farinn veg og skoða helstu verkefni og áherslur vetrarins. Nú er komin skýrsla yfir skólaárið 2017-2018 og hana má lesa hér.
Ég þakka kennurum, nemendum og foreldrum fyrir samstarf vetrarsins og vona að allir njóti sumarsins vel.

Birt í 2018 | Slökkt á athugasemdum við Skýrsla skólaársins 2017-2018

Quizlet tenglar

Þær Halla og Erna, kennarar í Brekkuskóla, sendu mér quizlet tengla sem geta nýst nemendum sem eru að læra íslensku vel. Kærar þakkir stelpur og tenglana má sjá hér!

Birt í 2018 | Slökkt á athugasemdum við Quizlet tenglar

Stöðumat tvö

Fyrr á þessu skólaári gerði ég stöðumat sem ég hef merkt nr. tvö, þar sem það er hugsað sem framhald af stöðumati sem ég hafði unnið  fyrir nemendur sem hafa verið að læra íslensku í nokkra mánuði. Þetta nýrra mat komst aldrei á réttan stað hér á síðunni en nú er það komið undir flipann „Námsmat“ hér fyrir ofan. Getur hugsanlega nýst einhverjum nú á vordögum.

Birt í 2018 | Slökkt á athugasemdum við Stöðumat tvö

Föstumánuður muslima – ramadan

Þetta árið hefst ramadan þann 16. maí og lýkur 14. júní. Samkvæmt muslimsku tímatali hefst hátíð við sólarlag næsta dags á undan, svo eflaust munu margir fagna ramadan við sólsetur í kvöld, þann 15. maí.
Samkvæmt tímatali muslima er ramadan alltaf á sama tíma en það er vegna þess að það fylgir tunglárinu en gregorískt tímatal fylgir gangi sólar. Því færist ramadan til í okkar dagatali um 11-13 daga ár hvert. Þannig mun ramadan hefjast 6. maí árið 2019 og 24. apríl árið 2020. Halda áfram að lesa

Birt í 2018 | Slökkt á athugasemdum við Föstumánuður muslima – ramadan

Myndaorðabækur á ýmsum málum

Á norsku síðunni Tema Morsmål  má m.a. finna myndaorðabækur á ýmsum tungumálum. Íslenska er því miður ekki þar á meðal en mörg móðurmál nemenda okkar, s.s. pólska, tailenska, arabíska, rússneska o.fl.
Góð síða til að heimsækja og tengja hugtök og orð við móðurmál nemenda.

Birt í 2018 | Slökkt á athugasemdum við Myndaorðabækur á ýmsum málum

Fögnum íslensku sem öðru tungumáli

Mánudaginn 7. maí n.k. mun Ísbrú, Félag kennara sem kenna íslensku sem annað tungumál, standa fyrir málþingi í safnaðarheimili Háteigskirkju. Dagskráin er fjölbreytt og spennandi, þar sem fulltrúar frá mennta- og menningarmálaráðuneyti, sveitarfélögum, Háskóla Íslands, Menntamálastofnun og víðar að, munu halda stuttar framsögur.
Dagskrána má sjá hér

Birt í 2018 | Slökkt á athugasemdum við Fögnum íslensku sem öðru tungumáli

Íslensk-pólsk hugtök

Þökk sé Emiliu Mlynska hefur enn bæst við hugtakalistann undir flipann pólska hér til hægri á síðunni, bæði nokkur fyrirmæli sem kennarar geta nýtt sér í samskiptum í bekk og hugtakaskýringar 10. kafla bókarinnar Á ferð um samfélag.

Birt í 2018 | Slökkt á athugasemdum við Íslensk-pólsk hugtök

Pólskar bækur komnar í skráningu

Í dag fór ég á Amtsbókasafnið með um 40 pólskar barna- og unglingabækur í frumskráningu. Þegar skráningu þeirra lýkur Myndaniðurstaða fyrir polskivænkast aðeins hagur pólskra nemenda okkar á Akureyri með að ná sér í lestrarefni á móðurmáli sínu. Þessar bækur eru allar gjöf frá pólska sendiráðinu.

 

Birt í 2018 | Slökkt á athugasemdum við Pólskar bækur komnar í skráningu

Bækur á erlendum tungumálum

Í gær fékk ég senda slóð að netbókabúð sem kennarar hafa góða reynslu af og hafa verslað við. Þar er hægt að leita að bókum sem hæfa tilteknum aldri nemenda, leita eftir efnisflokkum og fleiru. Slóðin er hér

Birt í 2018 | Slökkt á athugasemdum við Bækur á erlendum tungumálum