Nemendur með íslensku sem annað mál

Hér er verkefni þar sem nemendur þurfa að þýða stutta texta úr ensku og skrifa á íslensku. Gæti komið sér vel fyrir suma nemendur og gott að sjá færni þeirra í að skrifa stutta, samfellda texta. Slóðin hér

Hér kemur eitt sem mér finnst alltaf frekar skemmtilegt. Að para saman staðhæfingu um orð og heiti þess. Gefur líka tilefni til umræðna sem geta leiðst í ýmsar áttir. Slóð hér

Stundum er gott að líta í gagnasafnið sitt! Þá finnst eitt og annað sem aldrei hefur ratað inn á vefinn eða í gagnasöfn. Hér er eitt slíkt, frekar fyrir eldri nemendur sem lesa stutta texta. Gjörið svo vel!

Skutla hér inn einu litlu verkefni sem ég held að ég hafi ekki verið búin að setja hérna. Slóðin er hér

Vek athygli á námsefni á Skólavefnum, fyrir pólska nemendur sem eru að læra íslensku. Slóð hér. Einnig er að koma í bókabúðir ný barnaorðabók; íslensk-pólsk / pólsk íslensk.

Hér eru nokkrir lestextar með verkefnum sem hægt er að skoða og prenta út.

Á vefnum Móðurmál er nú kominn leiðarvísir um stuðning við móðurmál og virkt fjöltyngi í skóla- og frístundastarfi. Hann er nú til á íslensku, ensku og pólsku. Aftast í textanum eru slóðir á marga góða og gagnlega vefi.
Slóðin er hér

Hér eru nokkrar krossgátur sem ég var að setja upp. Vonandi nýtast þær einhverjum.
Hér eru hlekkir: Matur – Starfsheiti – Fleirtala orða – Líkamshlutar – Um Ísland – Í skólanum – Náttúra og árstíðir – Hátíðir og mánuðir – Áhöld – Heima hjá okkur – Andheiti – Samheiti.

Hef sett nokkur skjöl til viðbótar undir þýska hlekkinn.

Undir flokkinn Efni á erlendum tungumálum er kominn nýr hlekkur, vietnamska, en þar eru nú upplýsingar um Reykjaferð, stærðfræðihugtök og heiti námsgreina á vietnömsku. Kærar þakkir Lieu Thúy Thi Ngo!