Nemendur með íslensku sem annað mál

Handbók fyrir kennara sem eru að taka á móti erlendum nemanda/hafa erlenda nemendur í bekknum sínum hefur nú verið uppfærð. Nýja útgáfan er undir tengli hér til hægri Efni fyrir kennara.

Nú er kominn tengill hér til hægri á síðunni, inn á vefinn VELKOMIN, en hann er gott að nota með erlendum nemendum og foreldrum fyrstu skóladagana. Endilega kynnið ykkur hann, ef þið hafið ekki notað hann áður.

Menntamálastofnun hefur gefið út sumarlæsisdagatal þar sem bent er á ýmsar skemmtilegar og óhefðbundnar  leiðir  til að styðja við lestur krakka í sumarleyfi. Dagatalið var gefið út bæði á ensku og pólsku, auk íslensku.

Í lok hvers skólaárs er gott að líta yfir farinn veg og skoða helstu verkefni og áherslur vetrarins. Nú er komin skýrsla yfir skólaárið 2017-2018 og hana má lesa hér.
Ég þakka kennurum, nemendum og foreldrum fyrir samstarf vetrarsins og vona að allir njóti sumarsins vel.

Þær Halla og Erna, kennarar í Brekkuskóla, sendu mér quizlet tengla sem geta nýst nemendum sem eru að læra íslensku vel. Kærar þakkir stelpur og tenglana má sjá hér!

Fyrr á þessu skólaári gerði ég stöðumat sem ég hef merkt nr. tvö, þar sem það er hugsað sem framhald af stöðumati sem ég hafði unnið  fyrir nemendur sem hafa verið að læra íslensku í nokkra mánuði. Þetta nýrra mat komst aldrei á réttan stað hér á síðunni en nú er það komið undir flipann „Námsmat“ hér fyrir ofan. Getur hugsanlega nýst einhverjum nú á vordögum.

Þetta árið hefst ramadan þann 16. maí og lýkur 14. júní. Samkvæmt muslimsku tímatali hefst hátíð við sólarlag næsta dags á undan, svo eflaust munu margir fagna ramadan við sólsetur í kvöld, þann 15. maí.
Samkvæmt tímatali muslima er ramadan alltaf á sama tíma en það er vegna þess að það fylgir tunglárinu en gregorískt tímatal fylgir gangi sólar. Því færist ramadan til í okkar dagatali um 11-13 daga ár hvert. Þannig mun ramadan hefjast 6. maí árið 2019 og 24. apríl árið 2020. Halda áfram að lesa →

Á norsku síðunni Tema Morsmål  má m.a. finna myndaorðabækur á ýmsum tungumálum. Íslenska er því miður ekki þar á meðal en mörg móðurmál nemenda okkar, s.s. pólska, tailenska, arabíska, rússneska o.fl.
Góð síða til að heimsækja og tengja hugtök og orð við móðurmál nemenda.

Mánudaginn 7. maí n.k. mun Ísbrú, Félag kennara sem kenna íslensku sem annað tungumál, standa fyrir málþingi í safnaðarheimili Háteigskirkju. Dagskráin er fjölbreytt og spennandi, þar sem fulltrúar frá mennta- og menningarmálaráðuneyti, sveitarfélögum, Háskóla Íslands, Menntamálastofnun og víðar að, munu halda stuttar framsögur.
Dagskrána má sjá hér