Þá er sumarið runnið upp og nemendur og starfsfólk grunnskólanna farið út í sumarið. Á meðan starfsemi í grunnskólum liggur niðri vegna sumarfría verður farið í smá viðhaldsvinnu á vefnum erlendir.akmennt.is það getur orsakað að einhverjar síður liggi niðri tímabundið. Stefnt er að því að síðan verði komin í fulla virkni þegar skólarnir hefjast á ný í ágúst.
Nú er hægt að þýða flestar síður á heimasíðunni okkar erlendir.akmennt.is. Það auðveldar aðgengi erlendra foreldra og nemenda að síðunni.
Miðja máls og læsis hefur gefið út fræðslu um jólin og jólasveinana á mörgum tungumálum sem er að finna hér
Fimmtudaginn 8.desember klukkan 12:30-16:00 býður Starfsþróun Menntavísindastofnunnar upp á fræðslu um kennslu barna og unglinga með flóttabakgrunn. Fræðslan er þátttakendum að kostnaðarlausu og fer fram á zoom. Hvetjum við alla kennara sem koma að kennslu barna og unglinga með flóttabakgrunn að nýta sér þessa flottu kennslu.
Kynningarmyndbönd um grunnskólakerfið á Akureyri hafa verð gerð á 4 erlendum tungumálum auk íslensku, það er ensku, pólsku, spænsku og rússnesku Jafnframt er hægt að finna þau hér á síðunni undir grunnskólar – móttaka nemenda. Vonum við að myndböndin komi að góðum notum við að kynna grunnskólakerfið okkar og að bjóða erlenda nemendur og foreldra þeirra velkomin til Akureyrar. Stefnt er að því að bæta fleiri þýðingum inn í sjóðinn okkar á næstu árum.
Menntamálastofnun hefur gefið út bæklinginn Hæfnisvið og hæfnirammar í íslensku sem öðru tungumáli. Bæklinginn er að finna hér
Hér er að finna upplýsingar um frístundastarf á Akureyri í sumar.
Menntamálastofnun gaf á síðasta ári út hæfniramma í íslensku fyrir fjöltyngd börn í leikskóla og hvetjum við starfsfólk í leikskólum sem starfa með fjöltyngdum börnum, sem og foreldra fjöltyngdra barna til að kynna sér þetta plagg (sjá hér)
Um leið og ég óska ykkur öllum gleðilegs árs, þakka ég ánægjuleg kynni á ný liðnu ári.
Hlakka til samstarfs við ykkur öll á nýju ári.
Verið er að uppfæra heimasíðuna erlendir.akmennt.is um þessar mundir. Stefnt er að því að þeirri vinnu verði lokið um miðjan janúar. Allt efni síðunnar er aðgengilegt á meðan á vinnunni stendur.
